KOBİA sədri: Naxçıvanda sahibkarlar kənd təsərrüfatına investisiya yatırmaqda maraqlıdırlar

Bakı, 25 aprel, AZƏRTAC

Naxçıvan Muxtar Respublikasının Türkiyə ilə sərhəd olmasını nəzərə alaraq burada sahibkarlar kənd təsərrüfatı sahəsinə maraq göstərirlər, kənd təsərrüfatına investisiya yatırmaq istəyirlər.

AZƏRTAC xəbər verir ki, bunu KOBİA-nın sədri Orxan Məmmədov "Sahibkarlar Günü"nə həsr olunmuş tədbirdə jurnalistlərə açıqlaması zamanı deyib.

O qeyd edib ki, xüsusilə son dönəmdə yaşıl enerji sahəsində xarici sahibkarlar tərəfindən yatırım gözlənilir.