Suren Papikyan Avropa Şurasının Yerevan ofisinin rəhbərinin başçılıq etdiyi nümayəndə heyətini qarşılayıb

Ermənistanın müdafiə naziri Suren Papikyan Avropa Şurasının Yerevan ofisinin rəhbəri Maksim Lonqanqenin başçılıq etdiyi nümayəndə heyətini qarşılayıb.

BiG.AZ xəbər verir ki, bu barədə erməni mətbuatı bildirib.

Görüş zamanı AŞ-nin İrəvandakı ofisi tərəfindən "Ermənistan Silahlı Qüvvələrində insan hüquqlarının gücləndirilməsi" proqramının həyata keçirilməsi ilə bağlı məsələlər müzakirə olunub.

Bu proqram Silahlı Qüvvələrdə insan hüquqları ilə bağlı məlumatlılığın artırılmasına, müdafiə idarəsi daxilində təhsil imkanlarının və institusional islahatların inkişafına, qadın hərbi qulluqçuların təhsil imkanlarının artırılmasına, hərbi qulluqçuların davranış qaydalarının beynəlxalq standartlara uyğunlaşdırılmasına, səmərəli və vaxtında həyata keçirilməsinin təmin edilməsinə töhfə verir.