ABŞ və Moldova münasibətlərin inkişafını yüksək qiymətləndiriblər

ABŞ və Moldova hesab edir ki, Ukraynada xüsusi hərbi əməliyyat başlayandan bəri ölkələr arasında münasibətlər möhkəmlənib. 

Bu fikir Vaşinqton və Kişinyovun birgə bəyanatında yer alıb.

ABŞ Dövlət Departamenti tərəfindən dərc edilən sənəddə deyilir: “Birləşmiş Ştatlar Moldovanın demokratik və iqtisadi islahatları, habelə beynəlxalq səviyyədə tanınmış sərhədləri daxilində suverenliyi və ərazi bütövlüyünü həyata keçirmək üçün uzunmüddətli səylərini dəstəkləməkdə onun yanındadır”.

Aprelin 18-də ABŞ-da ABŞ-Moldova strateji dialoqunun növbəti raundu keçirilib və burada Moldovanın xarici işlər naziri Mixay Popsoi və ABŞ dövlət katibinin birinci müavini Riçard Verma çıxış ediblər.

Mənbə: CNN Türk