İdman
“AFFA-dan reqlamentlə bağlı veriləcək qərarı gözləyirik” – “Qəbələ” azarkeşləri
16:12 26.04.2024
- Smartbee
- Şikayət et
Ölkə kubokunun yarımfinalında “Zirə”yə uduzan “Qəbələ” yeganə ümid yerini də itirdi. Matçdan sonra “qırmızı-qaralar”ın azarkeşləri sosial şəbəkə hesabında klubu tənqid atəşinə tutur, narazılıqlarını bildirirlər. Görünür, onlar nəticənin belə olacağını gözləmirmiş. Bu halda azarkeşlerin hansı addım atacağı maraq doğurur. Çünki “qırmızı-qaralar” növbəti 5 tur ərzində doğma azarkeşlərinin dəstəyinə ehtiyac duyur.
Bəs “Red-Black Army” dünənki nəticədən sonra komandasını dəstəkləməyə davam edəcəkmi? Yoxsa başqa fanklublar kimi boykot yolunu tutacaq?
Bu suallara cavab almaq üçün “Red-Black Army” fanklubunun idarəçilərindən biri Nəriman Təbrizlə əlaqə saxladıq. O, “Football-plus.az”a açıqlamasında komanda sayının artırılması ilə bağlı AFFA-nın qərarını gözlədiklərini bildirdi:
“Danışılacaq çox söz yoxdu. Komandanın sonuncu yer tutacağı məlumdu. İndi boykot haqda düşünmürük. Bu qərar yersiz olar. Çünki indiki məqamda heç nəyi dəyişməyəcək. AFFA-dan reqlamentlə bağlı veriləcək qərarı gözləyirik. Ondan sonra bir yerə yığılıb, qrup şəklində müzakirələr aparacağıq”.
Nəriman bəy “Qəbələ”ni elitadan düşəcəyi təqdirdə də dəstək olmağa davam edəcəklərini qeyd etdi:
“Bu mövsüm komandamız üçün uğursuzdu. Çox güman kamanda 1-ci divizyonda oynasa, azarkeşlərin çoxu qrupu tərk edəcək. Bu hər klubda belə olur. Yəni uğursuz gedişat tamaşaçı sayına çox təsir edir. Ancaq bunun “Red-Black Army” azad azarkeş qrupuna aidiyyəti yoxdu. 5 nəfər də olsaq, 100 nəfər də olsaq divizyondada oynayada kamandanı dəstəkləyəcəyik. Lazım olanda dəstək, lazım olanda tənqid, lazım olanda etiraz edəcəyik. Ancaq kamandanı tək buraxmayacağıq”.
RÖYANƏ OĞUZ
Şərh ()