Bayden Trampla mübahisə etməyə hazır olduğunu deyib…

ABŞ prezidenti Cozef Bayden keçmiş Amerika lideri Donald Trampla debat etməyə hazır olduğunu bildirib.

SİA-nın rus saytlarından əldə etdiyi məlumata görə, bu barədə“New York Times” qəzeti amerikalı teleaparıcı Hovard Sternə istinadən yazıb.

…Dəqiq nə vaxt olduğunu bilmirəm, amma onunla debat etməkdən məmnun olaram.

Bunu Bayden deyib.

Xatırladaq ki, aprelin 24-də Tramp yaxın gələcəkdə istənilən vaxt Baydenlə debat üçün görüşməyə hazır olduğunu açıqlamışdı.

Trampın sözlərinə görə, o, hazırkı prezidentlə debat etməyi çox istərdi. ABŞ-ın keçmiş rəhbəri vurğulayıb ki, o, Baydenlə görüşə hazırdır və onu çox yaxın gələcəkdə, hətta bu gün və ya sabah keçirə bilər.

Tramp qeyd edib ki, Baydenin belə bir müzakirə apara bilməyəcəyinə və ya etmək istəmədiyinə dair sübutlar var. Ancaq keçmiş prezidentin fikrincə, Baydenə böyük təzyiqlər olacaq, ona görə də o, sonda debata getməli olacaq.

Nazlı