Avropa İttifaqı Moldova müxalifətinə qarşı sanksiyaların müddətini bir il uzadıb

Bakı, 26 aprel, AZƏRTAC

Avropa İttifaqı Moldova müxalifətinin 11 üzvü və 1 təşkilatına qarşı sanksiyaları bir il uzadıb. Brüssel onları Moldovanın suverenliyini və sabitliyi pozmaqda ittiham edir.

AZƏRTAC xəbər verir ki, bu barədə Avropa İttifaqının dərc etdiyi bəyanatda deyilir.

“Şura bu gün sabitliyin pozulmasına, Moldovanın müstəqilliyinin və suverenliyinin pozulmasına görə məsuliyyət daşıyanlara qarşı qadağa tədbirlərinin müddətinin 2025-ci il aprelin 29-dək uzadılması barədə qərar qəbul edib. Avropa İttifaqının bu qadağa tədbirləri 11 fiziki şəxsə və 1 təşkilata qarşı qüvvədədir”, - deyə bəyanatda bildirilir.