Donçiç və İrvinqin komandası seriyada önə çıxdı

MBA-da pley-offun növbəti oyunları keçirilib. Dallasda “Maveriks” “Los-Anceles Klippers”i qəbul edib.

İlk ev oyununda texaslılar qalib gəliblər – 101:90. Görüşün qəhrəmanları Donçiç və İrvinq olub. Onların aktivində ümumilikdə 43 xal var. Bu qələbədən sonra Dallas komandası seriyada önə çıxıb. Qarşıdurmada 4-cü oyun sabah keçiriləcək.

Digər oyunda “Finiks Sans”la “Minnesota Timbervulvs” üz-üzə gəlib. Minnesotada keçirilən ilk iki oyunda qalib gələn meydan sahibləri səfərdə də “Sans”ı məğlub etməyi bacarıblar – 126:109. Görüşün ən məhsuldar oyunçusu Entoni Edvards olub. Onun 36 xalı komandanın qələbəsində mühüm rol oynayıb. Edvardsın komanda yoldaşı fransız basketbolçu Rudi Qober 19 xal və 14 ribaundla dabl-dabl edib. Meydan sahiblərinin liderləri Kevin Dürant 26, Devin Buker isə 23 xal toplayıb.

Bu cütlükdə növbəti oyun aprelin 29-da olacaq. Seriyada 3:0 öndə olan Minnesota komandası həmin gün yarımfinala vəsiqəni təmin edə bilər.