Səfir: Ukraynanın yenidənqurmasında Azərbaycanın dəstəyinə görə minnətdarıq

Ukraynanın Azərbaycandakı səfiri Yuri Husyev ölkəsinin yenidən qurulmasından Azərbaycanın göstərdiyi dəstəyə görə minnətdarlığını bildirib.

“Report” xəbər verir ki, bu barədə diplomat sosial şəbəkədə yazıb.

“Bu gün Zərifə Əliyevanın doğum günündə İrpin Azərbaycan Mədəniyyəti Gününü qeyd edir. Ukraynanın yenidən qurulmasında, xəstəxananın, məktəbin və s. bərpasında Azərbaycanın dəstəyinə görə minnətdarıq. Azərbaycan və Ukrayna arasında dostluğun möhkəmlənməsində əməyi olan hər kəsə təşəkkür edirik!”, – o yazıb.