AZ

Qızıl zamanı çatıb - TƏHLİL

Yunanıstanın Rodos adasında keçirilən qadın şahmatçıların fərdi Avropa çempionatına bu gün yekun vurulacaq.

İdman.biz xəbər verir ki, Ellada torpağındakı yarış Azərbaycan idman tarixinə qızıl hərflərlə düşə bilər.

İsveçrə sistemi ilə keçirilən turnir 10 turdan ibarətdir. Son tur mükafatçıların adlarına aydınlıq gətirəcək.

Yarım xal yetər

Çempionatın lideri Ülviyyə Fətəliyeva keçirdiyi 9 matçda 8 xal toplayıb. Ən yaxın izləyicilərini 1 xal qabaqlayan təmsilçimiz gürcü Nino Batsiaşvili ilə qarşılaşacaq. Çempion olmaq üçün beynəlxalq ustamıza heç-heçə də kifayətdir. Yarım xal beynəlxalq ustamıza Avropa çempionu titulu qazandıracaq. Məğlubiyyət isə əlavə göstəricilərin nəzərə alınması zərurəti yaradacaq. Ondan bir xal geri qalanlardan biri - 5-ci sırada olan Günay Məmmədzadə də istənilən əyarlı medala iddiasını qoruyur. Yetərincə sıx olan cədvəldə Xanım Balacayeva və Səbinə İbrahimova da “üçlüy”ə düşmək üçün nəzəri şanslarını itirməyiblər. Onların hərəsinin 6,5 xalı var.

Görünməmiş uğur

Əgər Ülviyyə Avropa çempionu olsa, o, Azərbaycan şahmat tarixinə bunu bacaran ilk zəka sahibi olacaq. 2000-ci ildən keçirilən fərdi Avropa çempionatında nə kişi, nə qadın təmsilçimiz çempionluq qazanıb. 2020-ci ildə koronovirus səbəbindən baş tutmayan yarış indiyədək 23 dəfə təşkil olunub. Bu il qadınlar Yunanıstanda mübarizə aparırsa, qarşıda kişilərin İsrail sınağı planlaşdırılıb.

Polşadan başlanan uğur

Azərbaycan şahmatçıları əvvəlki illərdə cəmi 3 medal qazanıblar. İlk belə uğura 2005-ci Teymur Rəcəbov imza atıb. Həmin vaxt gənc istedad hesab olunan qrossmeysterimiz Polşada gümüşə sahib çıxıb. Bu uğur kişi şahmatçıların qitə səhnəsində ilk və hələlik son nailiyyəti kimi qalıb.

Praqada qızılsız “dubl”

Növbəti uğuru 17 il gözləmək lazım gəlib. 2022-ci ildə Praqada qadınlarımız fərqləniblər. Özü də təmsilçilərimiz iki mükafata sahib çıxıblar. Günay Teymurun nəticəsini təkrarlayaraq gümüşə yiyələnib. Ülviyyə isə bürünclə kifayətlənib. Həmin Ülviyyə ki, iki il sonra bürüncü qızıla dəyişməyə yaxındır. O, təkcə ilk çempionumuz deyil, həm də iki mükafata sahib çıxan birinci şahmatçımız olmaq imkanına malikdir.

Şahmatçıların fərdi Avropa çempionatındakı medallarımız
2005, Zabje (Polşa) – Teymur Rəcəbov – gümüş medal
2022, Praqa (Çexiya) – Günay Məmmədzadə - gümüş medal
2022, Praqa (Çexiya) – Ülviyyə Fətəliyeva – bürünc medal

Qeyd edək ki, Rodosda yığmamız 10 şahmatçı ilə təmsil olunub.

Vüqar Xeyrullayev
İdman.biz

Məqalədə:
Seçilən
56
Mənbələr
Şərh ()
Bağla

Reytinq

Zaqatalada baş verən ağır yol qəzasının təfərrüatları məlum olub - YENİLƏNİB VİDEO
14510
İvana Sertin Şri-Lanka istirahəti - Fil ilə əyləncəli görüntüləri - FOTO/VİDEO
14113
Arvadını sevgilisi ilə birlikdə tutdu - Ölümündən əvvəl bunları paylaşdı - FOTO
13983
Adəmin atası AZADLIĞA BURAXILDI - VİDEO
12049
Tiktokda saçını qırxıb etiraz edən qadın kimdir? - MARAQLI FAKT
10106
Lənkəranda meyiti tapılan 70 yaşlı qadınla bağlı bəzi təfərrüatlar məlum olub - FOTO - YENİLƏNİB
8492
"Zaur, yenə çaşdın..." - VİDEO
7500
Öldürdüyü qardaşı 30 il əvvəl onu bıçaqlayıbmış...
6000
Minimum əmək haqqı nə qədər arta bilər?
5595
ATV-dəki verilişi yıxıb sürüdü... - Video
3949
Səhhəti pisləşən Elcan Rəsulovun vəziyyəti NECƏDİR? - ÖZƏL
3906
Saray Ailə Sağlamlıq Mərkəzinin terapevti Sevinc Zeynalova vəfat edib
3842
Elçin boşandığını etiraf etdi - FOTOLAR
3769
5 ailə üzvünü öldürən Əhməd azadlığa çıxır? - Vəkil açıqladı
3610
Oteldə zəhərlənən vəzifəlilərlə bağlı ŞOK İDDİA: Yanlarında qızlar olub? – VİDEO
3472
"Komedixana"nın ulduzları haralıdır? - SİYAHI
3019
Azərbaycanlı müğənninin konsertində qızlar SAÇ YOLDUYA ÇIXDILAR - VİDEO
3008
Bu şəxslərə Prezidentin fəxri təqaüdü veriləcək - SƏRƏNCAM
2794
Qeyri-sabit, yağıntılı hava mayın 18-dək davam edəcək - XƏBƏRDARLIQ
2725
Aparıcı Namidə İsayevaya vəzifə verildi
2625