Türkiyənin Daxili İşlər Nazirliyi İstanbulda 1 may yürüşlərinə icazə vermədi

Türkiyənin daxili işlər naziri Əli Yerlikaya İstanbul istisna olmaqla bütün ölkədə keçiriləcək 1 May nümayişlərindən danışıb.

O qeyd edib ki, 55 əyalətdə hakimiyyət orqanları mayın 1-i üçün 103 bayram yürüşü ilə bağlı razılığa gəliblər: “İstisna yalnız 2023-cü ildə 17,5 milyon turist qəbul edən, ölkəmizin təhsil, mədəniyyət, incəsənət, ticarət və sənaye mərkəzi olan İstanbula aiddir”, – Ali Yerlikaya deyib.

O, aydınlaşdırıb ki, həmkarlar ittifaqı təşkilatları Taksim meydanında nümayiş keçirmək üçün icazə istəyiblər, lakin hakimiyyət bu meydanı 1 May şənlikləri üçün nəzərdə tutulan yerlər siyahısından çıxarıb. Nazir izah edib ki, söhbət mayın 1-də İstanbulda terror aktlarının hazırlanması ilə bağlı məlumatlardan gedir.

Vətəndaşların və turistlərin təhlükəsizliyini təmin etmək üçün fəallar kütləvi yürüşlər əvəzinə Respublika abidəsinə gələrək media resursları üçün bayram çıxışları etməyə dəvət olunub.

//Samir Qurbanov, Editor.az