- Gecə Modu
- Ana səhifə
- İstifadəçilər
- Səhifələr
- Reytinq
- Hava
- Valyuta
Məşhur ispan tennisçi Rafael Nadal əlindən əməliyyat olunan rusiyalı tennisçi 16 yaşlı Alina Korneevaya xəstəxanada baş çəkib.
32gun.az bildirir ki, bu barədə gənc tennisçi özü sosial şəbəkədə məlumat verib.
“Bu günlərdə mənə çoxlu isti mesajlar və şərhlər gəldi. Sürprizlərdən biri Rafael Nadalın Barselonaya səfəri olub. Hər kəsə sevgi və dəstəyə görə təşəkkür edirəm”, - deyə Korneeva yazıb.
Qeyd edək ki, 2022-ci ilin yanvarında Korneeva karyerasında ilk qələbəsini Böyük Dəbilqə yarışında qazanıb. Korneeva İspaniya təmsilçisi Sara Sorribes Tormonu ağardıb. 2 saat 19 dəqiqə davam edən görüş 4:6, 6:3, 6:2 hesabı ilə başa çatıb.
Xatırladaq ki, 2022-ci il fevralın sonunda Beynəlxalq Olimpiya Komitəsi (BOK) beynəlxalq idman federasiyalarına müraciət edərək, Rusiya və Belarus idmançılarını heç bir yarışa buraxmamağı tövsiyə edib.
BOK-un İcraiyyə Komitəsinin martın 28-də keçirilən iclasında idmançılar hərbi əməliyyatların dəstəklənməsində fəal iştirak etməsələr, ruslara neytral statusda icazə verilməsi tövsiyə olunub. Tennis turnirlərində Rusiya idmançıları milli bayraqsız yarışırlar.
Ayxan