Putinin bu fərmanı “dönüş nöqtəsi” oldu

Rusiya prezidenti Vladimir Putinin ənənəvi dəyərlərin siyasi müdafiəsi haqqında fərmanı Rusiya siyasətində dönüş nöqtəsidir.

Publika.az xəbər verir ki, bunu məşhur rusiyalı filosof Aleksandr Duqin amerikalı jurnalist Taker Karlsona müsahibəsində deyib.

Onun sözlərinə görə, Putin hakimiyyətə gələrək “Rusiyanı qlobal təsirdən çıxarmağa” və “qlobal mütərəqqi gündəmə zidd” olmağa başladı. Söhbətin səsyazısı jurnalistin saytında yerləşdirilib.

O, Rusiya dövlət başçısını ənənəvi dəyərləri, dövlət suverenliyini, xristianlığı və ənənəvi ailəni uğurla bərpa edən şəxs kimi xarakterizə edib.