Sudanın əhalisi aclıqla üz-üzə qalıb

Bakı, 1 may, AZƏRTAC

Sudanı görünməmiş aclıq bürüyüb. Çünki Sudan Silahlı Qüvvələri ilə Çevik Dəstək Qüvvələri arasında ötən ilin aprel ayında başlayan müharibənin səngiməsinə dair heç bir əlamət müşahidə edilmir.

AZƏRTAC xarici mediaya istinadla xəbər verir ki, indi əhalinin yerdəyişməsinə səbəb hərbi əməliyyatlar deyil, aclıqdır. İnsanlar qida axtarışına çıxmaq məqsədilə evlərini tərk edirlər. Köçkünlər arasında malyariya və digər xəstəliklər yayılır. Əsas yardım mərkəzləri döyüşçülər tərəfindən talan edilib. Buna görə də humanitar yardım əhaliyə çatmır.

Anett Hoffmannın Niderland “Clingendael” analitik mərkəzi tərəfindən hazırlanmış Sudanda fövqəladə ərzaq vəziyyəti haqqında hesabatda qeyd edilir ki, ölkədəki müharibə ən böyük aclıq böhranına gətirib çıxarıb.