Yüksək Liqa: Mövsümə bu gün yekun vurulur

Bu gün futzal üzrə Azərbaycan çempionatında (Yüksək Liqa) 2023/2024 mövsümünün sonuncu – 20-ci turunun oyunları keçiriləcək.

Arena.az xəbər verir ki, mövsümün son turunun görüşləri Bakı İdman Sarayında baş tutacaq.

“Record” çempionatdan kənarlaşdırıldığına görə, “Baku Fire” son turda 3 xalı meydana çıxmadan qazanacaq.

“Araz-Naxçıvan” – U-19 matçından sonra isə mükafatlandırma mərasimi keçiriləcək.

Yüksək Liqa
20-ci tur
2 may

“Neftçi” İK – “Yasamal Bakı”
Hakimlər: Hacıəli Ağayev, Vüsal Balaşov, Ceyhun Hüseynov.
Hakim-inspektor: Əfqan Həmzəyev.
Bakı İdman Sarayı. Saat 11:45.

Araz-Naxçıvan – U-19
Hakimlər: Elgün Hüseynov, Mahir Məmmədov, Rza Məmmədov.
Hakim-inspektor: Murad Məmmədov.
Bakı İdman Sarayı. Saat 14:00.