Yaşıl dünya naminə həmrəylik ili” ilə bağlı layihəyə yeni hekayə təqdim edildi

“Yaşıl dünya naminə həmrəylik ili” çərçivəsində Yasamal rayon MKS-nin M.Ş.Vazeh adına Mərkəzi Kitabxanasında həyata keçirilən “Təbiətə valeh olanlar” layihəsinə şair, yazıçı-publisist, AYB-nin və AJB-nin üzvü Prezident təqaüdçüsü, M.Ş.Vazeh adına Mərkəzi Kitabxananın Fəxri oxucusu Gülzar İbrahimova “İstisu çayının hekayəsi”ni təqdim etdi.

Yazıçı Masallıda – İstisuda olarkən bu yerlərin təbiətinin gözəlliyi onu heyran etdi. O, təbiəti seyr eləməkdən doymurdu. Lakin çayın aşağı hissəsinin çirklənməsi yazıçını çox narahat edirdi, buradakı sanatoriyadan, restoranlardan axan çirkab sular çayı pis hala salmışdı. Yazıçı çayı necə xilas etməyi düşünür. Ölkə Prezidentimizin Sərəncamı ilə təbiətimizin, ekologiyamızın qorunması ili elan edilməsindən sonra hamı bizim yaşıl dünyamızı qorumağa qoşuldu. Yazıçılar da öz əsərləri ilə bu çağırışa dəstək verdi. Yazıçı “İstisu çayının hekayəsi”ni yazdı və düşündü ki, bəlkə çayları, dənizləri çirkləndirənlərə çata, ürəklərinə rəhm gələ.

Ətraflı:

https://drive.google.com/file/d/17HbC158Ct7IXsS5Fy8rTrKXs4VQERxgF/view?usp=drivesdk