AzVision.az xəbər verir ki, "Xarici təsirin şəffaflığı haqqında" qanunun parlamentdə qəbuluna etiraz bildirən gənc etirazçılar şəhərin əsas yollarını yenidən nümayişlərlə iflic vəziyyətə salıblar.
Məlumata görə, aksiyalarda polislə toqquşmalar baş verib. Hüquq-mühafizə qüvvələri etirazçıları dağıtmağa çalışırlar. Saxlanılanlar barədə hələlik məlumat verilmir.
Parlamentin qarşısında isə hazırda dünənə nisbətən daha az nümayişçi toplaşıb.
Xatırladaq ki, aprelin 15-dən Tbilisidə sözügedən qanun layihəsinə etiraz məqsədilə geniş aksiyalar keçirilir.