Dünyanın ən böyük zeytun yağı istehsalçısı: Sektor tarixinin ən çətin dövrünü yaşayır

İqlim dəyişikliyi, artan qiymətlər, yüksək faiz dərəcələri və güclü inflyasiya son aylarda zeytun yağı sektoru üçün çətinliklər yaradıb.

Marja.az xəbər verir ki, İspaniyada iki il ardıcıl yaşanan qızmar isti yay zeytun məhsulunu azaldıb. Bu vəziyyət həm istehlakçıları, həm də sənaye nümayəndələrini təəccübləndirən qiymət artımına səbəb olub.

İspaniya dünya zeytun yağı istehsalının 40 faizindən çoxunu istehsal edir. Bu, İspaniyanı qiymətlər üçün qlobal istinad edir.

"Deoleo"nun satış meneceri Miguel Angel Guzman, CNBC-yə elektron poçtla verdiyi açıqlamada deyib: "Sənaye tarixindəki ən çətin dövrlərdən biri ilə qarşılaşırıq. Yüksək faiz dərəcələri, güclü inflyasiya, quraqlıq və yığılan zeytunun azalması qiymətlərin əhəmiyyətli dərəcədə artmasına səbəb olub".

İspaniyanın Endülüs bölgəsində sızma zeytun yağının qiyməti yanvar ayında kiloqramı üçün 9,2 avro (9,84 dollar) olmaqla rekord səviyyəyə çatıb. Sonradan mart və aprel aylarında yağan faydalı yağışlara görə qiymətlər bir qədər geriləyib.

"2024/2025-ci il məhsulunun mümkün həcmlərini bilənə qədər qarşıda hələ vaxtımı var və o vaxta qədər qiymətlər dəyişkən qalacaq. Yeri düşmüşkən, sektorun köklü transformasiyaya ehtiyacı var", - Guzman bildirib.