Rusiyada qeyri-strateji nüvə silahının hazırlanması və tətbiqi təlimi olacaq

Moskva, 6 may, AZƏRTAC

Rusiya Silahlı Qüvvələrinin Baş qərargahı yaxın vaxtlarda Cənub hərbi dairəsinin raket birləşmələri və Hərbi Dəniz Donanması qoşunlarının iştirakı ilə təlim keçirməyə hazırlaşır.

AZƏRTAC xəbər verir ki, bu barədə Rusiyanın Müdafiə Nazirliyi məlumat yayıb.

Məlumatda deyilir ki, təlim zamanı qeyri-strateji nüvə silahının hazırlanması və tətbiqi məsələlərinin praktiki həlli üzrə kompleks tədbirlər həyata keçiriləcək.

RF Müdafiə Nazirliyi qeyd edib: “Təlim şəxsi heyətin hazırlığının təmin edilməsi və Rusiyanın suverenliyinə, ərazi bütövlüyünə qarşı Qərbin müəyyən rəsmi şəxslərinin təxribat xarakterli bəyanatlarına və təhdidlərinə cavab verilməsi məqsədi daşıyır”.

Fəridə Abdullayeva

AZƏRTAC-ın xüsusi müxbiri

Moskva