"Səfir bu addımı ilə ABŞ-nin nüfuzuna zərbə vurur" - Hərbi ekspert

"Çünki ABŞ Dövlət Departamentinin katibi dəfələrlə Azərbaycanla əməkdaşlıqda maraqlı olduqlarını bildirib. Azərbaycan ABŞ-ın antiterror fəalliyyətlərinə, NATO çərçivəsində Əfqanıstanda keçirdiyi əməliyyatlara dəstək verib, öz hava məkanını NATO üçün açıb. Əfqanıstanın Pakistanla sərhədində “Taliban” Kabilə doğru yürüşə hazırlaşarkən ABŞ ordusu əfqan xalqını qoyub qaçdı. Azərbaycan hərbçiləri isə türk ordusu bölmələri ilə birlikdə öz vəzifələrini yerinə yetirdi, bir çox ölkələrin diplomatik heyətinin sağ-salamat Kabildən çıxmasına şərait yaratdı.

Görünür, cənab Libbi bu faktları bir qədər unudub, ya da ona bunu xatırlatmayıblar. Digər tərəfdən isə çox sayda diplomatlar, ölkə prezidentləri belə Azərbaycanın azad etdiyi ərazilərə səfər edib. Cənab Libbi bu şəxsləri təhqir etmək hüququna malik deyil. Hesab edirəm ki, həmin ölkələrin rəhbərləri də Libbiyə öz etirazlarını bildirəcəklər”.

“Cənab səfir Libbinin Azərbaycan ərazilərini işğal edən Ermənistanı bir dəfə də olsun ki, işğalçı kimi tanınmaması, azad olunan ərazilərə səfər etməməsi bir daha onu göstərir ki, o, öz fəaliyyətində ölkəsinin nüfuzuna ziyan vurur. Bu cür davranış ABŞ-Azərbaycan münasibətlərinə heç bir müsbət töhfə vermir”.

Qeyd edək ki, ABŞ səfiri Mark Libbi Şuşaya niyə getmədiyi haqda bunları deyib: "İndiyədək, Azərbaycanın bir neçə regionunda səfərdə olmuşam. Bunu siyasi səbəbləri yoxdur. Aydındır ki, qaytarılmış ərazilər bir azca fərqlidir. Bir az daha çox koordinasiya tələb edir. Mən harasa kiminsə şousunun iştirakçısı olmaq üçün getmək istəmirəm. Odur ki, bunu etməyin vaxtı gələndə, edəcəyəm”.