Rusiya Federasiyasının Baş Qərargahı ölkə prezidenti Vladimir Putinin tapşırığına əsasən yaxın vaxtlarda aviasiya və dəniz qüvvələrinin cəlb edilməsi ilə Cənub dairəsinin raket birləşmələrinin təlimlərinə hazırlığa başlayıb.
Tribunainfo.az xəbər verir ki, bu barədə Rusiya Federasiyasının Müdafiə Nazirliyi məlumat yayıb.
Təlimlər zamanı qeyri-strateji nüvə silahlarının hazırlanması və istifadəsi məqsədilə bir sıra tədbirlər həyata keçiriləcək.
Rusiya Müdafiə Nazirliyi qeyd edib ki, Cənub Hərbi Dairəsinin raket birləşmələrinin təlimləri şəxsi heyətin və texnikanın hazırlığını saxlamaq məqsədi daşıyır, eyni zamanda ayrı-ayrı Qərb rəsmilərinin təxribat xarakterli bəyanatlarına və təhdidlərinə cavabdır.
