Apple ilk iPhone Slim-i buraxmağa hazırlaşır

Apple gələn il bazara çıxacaq iPhone 17 seriyası ilə smartfonlarının dizaynını və texniki xüsusiyyətlərini əhəmiyyətli dərəcədə təkmilləşdirməyi planlaşdırır.

Şirkətin Plus modelini yeni iPhone 17 Slim ilə əvəz edəcəyi bildirilir. Bu barədə 9to5Mac məlumat yayıb.

Haitong International Securities şirkətinin analitiki Jeff Pu’nun sözlərinə görə, bütün iPhone 17 modellərində təkmilləşdirilmiş ön kamera, həmçinin iPhone 17 Pro Max üçün daha kiçik Dinamik Ada olacaq. O, həmçinin bildirib ki, Apple Face ID sensorunun ölçüsünü azaltmaq üçün yaxınlıq sensoru üçün ən son metallens texnologiyasından istifadə edə bilər.

Bu şayiələrə görə, iPhone 17 sırasına dörd model daxil olacaq: iPhone 17 (6,1 düymlük ekran), iPhone 17 Slim (6,6 düymlük ekran), iPhone 17 Pro (6,3 düymlük ekran), iPhone 17 Pro Max (6,9- düym ekran).

Pu, həmçinin iPhone 17, iPhone 17 Slim və iPhone 17 Pro-nun daha mürəkkəb alüminium korpusa sahib olacağını, iPhone 17 Pro Max-ın isə titan dizaynını qoruyacağını açıqladı.

Mənbə: Autotech