- Gecə Modu
- Ana səhifə
- İstifadəçilər
- Səhifələr
- Reytinq
- Hava
- Valyuta
Orqanizmimizdə hər bir vitaminin qədərində olması çox gərəklidir. İnsanların bəzilərində D vitamini çatışmazlığı müşahidə edilir. Bəs görəsən bu vitaminin çatışmazlığı hansı fəsadlar yaradır? Onu necə təmin etmək olar?
Səhiyyə Nazirliyinin mütəxəssis – eksperti, terapevt Zakir Quliyev Missiya.Az-a açıqlamasında deyib ki, D vitamini bizim dayaq - hərəkət sistemimiz, bədənimizin hər bir hüceyrəsi üçün önəmlidir:
“COVİD-19 pandemiyasında bunu bir daha görmüş olduq. Belə ki, aparılmış araşdırmalar nəticəsində bəlli oldu ki, D vitamini çatışmazlığı olan xəstələrdə həmin virus daha ağır keçir. Digərlərində isə daha az ağırlaşma müşahidə edilib”.
Həkimin sözlərinə görə sözügedən vitaminin əsas qaynağı günəş şüalarıdır:
“Lakin bəzi qidalar da - balıq məhsulları, qara ciyər, qırmızı ət, süd və süd məhsullarında D vitamin az da olsa var. Vurğuladığım kimi əsas mənbə günəşdir. Günəşin şüalarının dərimizə təması ilə həmin vitamin təmin edilir".
Zakir Quliyev əlavə edib ki, D vitamin çatışmazlığı müəyyən simptomlarla özünü büruzə verir:
“Bədən, əzələ və sümük ağrıları, saç tökülməsi, yuxulu olmaq, halsızlıq, bütün günü həvəssizlik, istəksizlik kimi bir çox simptomlarla özünü göstərir. Bu vitaminin çatışmazlığı olduqca ciddi problemdir. Sözügedən simptompların özündə hiss edən şəxs mütləq yoxlanışa getməlidir. Bəzən görürük ki, müayinə olunmadan D vitamini qəbul edən insanlar var. Unutmayaq ki, hər bir vitaminin çatışmazlığı qədər onun həddindən artıq olması da zərərlidir”.
Zərintac Mayisqızı
Missiya.Az
Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.