Maradonanın yoxa çıxmış “Qızıl top”u yenidən satılacaq..?

...Dieqo Maradonanın 1986-cı il Dünya Çempionatındakı çıxışına görə qazandığı kubok onilliklər ərzində yoxa çıxdıqdan sonra yenidən gündəmə gəlib və indi hərraca çıxarılıb.

SİA-nın əldə etdiyi məlumata görə, "Sky News" yazır ki, Maradona Meksikada keçirilən turnirdə Argentinanı qələbəyə apardıqdan sonra 1/4 finalda İngiltərəyə qarşı "Tanrının əli" qolunu vurduqdan sonra "Qızıl top" kubokunu alıb.

2020-ci ildə 60 yaşında vəfat edən Maradona, 1986-cı ildə Parisdə keçirilən mərasimdə turnirin ən yaxşı oyunçusu kimi “Qızıl top” kubokuna layiq görülüb.

Lakin mükafat müəmmalı şəkildə yoxa çıxdı və onun harada olduğu onilliklər ərzində məlum deyildi.

İndi Aguttes hərrac evi deyir ki, kubok gələn ay Parisdə olacaq və kubokun "unikallığına görə milyonlar qazanacağı" gözlənilir.

O vaxt kubokun yoxa çıxması onun çılğın poker oyunu zamanı itirildiyi və ya borclarını ödəmək üçün satıldığı barədə şayiələrə səbəb olmuşdu.

Digərləri Maradonanın kuboku 1989-cu ildə İtaliyanın “Napoli” klubunda oynayarkən yerli qanqsterlər tərəfindən qarət edilmiş Neapol bankında seyfdə saxladığını iddia edirdilər.

Bu arada hərrac evi bildirib ki, kubok 2016-cı ildə Parisdə keçirilən hərracda şəxsi kolleksiyadan alınmış digər lotlar arasında yenidən peyda olub.

Yeri gəlmişkən, iyunun 6-da keçiriləcək hərracda iştirak etmək üçün iddiaçılardan 150.000 avro (129.000 funt sterlinq) depozit ödəmələri istəniləcək.

Nazlı