“Bizə qorxaq və ölü xalq deyirlər“ -Erməni keşiş

Ermənistanda vəziyət gərgin olaraq qalır. Azərbaycanla delimitasiya proseslərinə qarşı çıxan revanşistlərin etiraz aksiyaları indi ümummili yürüşə, İrəvan, Nikol Paşinyan əleyhinə çevriliş mitinqlərinə çevrilib. Hadisələrə isə Tavuşun yepiskopu Baqrat Srbazyan rəhbərlik edir. O, dünən Abovyan camaatı qarşısında çıxışı zamanı iddia edib ki, guya məğlub xalqı yenidən güclənib və indi hər şeyə qadirdir:  “Bizə daim deyirdilər ki, bu xalq ölü xalqdır onun ruhu yoxdur. Erməni xalqının gücsüz, zəif və qorxaq olduğunu söyləyirdilər. Onu da daim söyləyirlər ki, bizim əlimizdən heç nə gəlmir, insanlar ətraflarında baş verənlərə fikir vermirlər, onların öz fikri və ləyaqəti belə yoxdur. Yəni biganəyik... Laqeydlik sözü ilə bizi zəhərlədilər. Mən həmişə bu fikirlərə qarşı çıxmışam. Və doğrudan da, siz bunun əksini sübut edirsiniz, deyirsiniz ki, biz qorxaq, zəif, laqeyd deyilik. Heç ümidsiz və işıqsız da deyilik”, - Baqrat Srbazan çıxışında deyib. Qeyd edək ki, erməni keşinin aksiyasında tez-tez xalq sözünü işlətsə də, onun yürüşünə heç 2-3 min adam qatılmır.

Qeyd edək ki, son günlər Ermənistanda vəziyyət xeyli gərginləşib. Gərginlik aprelin 19-da keçirilən Azərbaycan ilə Ermənistan arasında dövlət sərhədinin delimitasiyası üzrə Dövlət Komissiyası və Ermənistan ilə Azərbaycan arasında dövlət sərhədinin delimitasiyası və sərhəd təhlükəsizliyi məsələləri üzrə Komissiyanın səkkizinci görüşündə Qazaxın 4 kəndinin (Aşağı Əskipara, Xeyrımlı, Bağanıs Ayrım, Qızılhacılı) Azərbaycana qaytarılması barədə razılıq əldə ediləndən sonra artıb. Ölkədə aksiyalar keçirilir, revanşistlər sərhədlərin dəqiqləşdirilməsinə, tarixi kəndlərimizin geri qaytarılmasına qarşı çıxırlar.

Tural