Ali Rada Ukraynanın baş nazirinin müavini, icmaların, ərazilərin və infrastrukturun inkişafı naziri Aleksandr Kubrakovun vəzifəsindən azad edilməsinə səs verib.
Tezadlar.az bildirir ki, bu barədə ukraynalı deputat Aleksey Qonçarenko öz Telegram kanalında məlumat verib.
Kubrakovun istefasına 272 deputat səs verib. Qonçarenkonun sözlərinə görə, səsvermə zamanı baş nazirin müavini iştirak etməyib. Kubrakov bildirib ki, fraksiya rəhbərliyi və Ukraynanın baş naziri Denis Şmıqal onunla istefa qərarını müzakirə etməyib, - deputat yazır.
Bundan əlavə, icma inkişafı naziri fraksiya və müvafiq komitənin iclasına dəvət edilməyib, - Qonçarenko əlavə edib.
Əvvəllər bildirilirdi ki, Kubrakov regional siyasətinin “kritik vəziyyətdə olması” səbəbindən postunu itirmək riski ilə üzləşib. Radadan gələn izahat yazısında yenidənqurma üzrə baş nazirin müavininə həvalə edilmiş vəzifələri həll edəcək ayrıca nazirliyin yaradılmasına təcili ehtiyac olduğu bildirilir.
E.ŞİRİNOV
