BMT: İsrailin mayın 6-da hücumlarını intensivləşdirməsindən sonra 80 min insan Rəfahı (Qəzza zolağında) tərk edib.
Turkustan.az xəbər verir ki, BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyindən (UNRWA) verilən yazılı açıqlamaya görə, Qəzzada olan fələstinlilər “yeni məcburi köçə” məruz qalıb.
"İsrail qüvvələrinin hərbi əməliyyatlarını gücləndirdiyi mayın 6-dan bəri təxminən 80 min insan Rəfahı tərk edərək başqa yerə sığınacaq axtarıb", - bəyanatda deyilir.
Rəfaha hücumlar səbəbilə bölgədəki fələstinli ailələrin çox çətin vəziyyətdə olduğu ifadə edilən açıqlamada, "Heç bir yer təhlükəsiz deyil. Dərhal atəşkəsə ehtiyacımız var" dedi.
İsrailin 7 oktyabrdan bəri Qəzza zolağına təşkil etdiyi hücumlarda ən azı 14 min 944-ü uşaq, 9 min 849-u qadın olmaqla 34 min 844 fələstinli həlak olub, 78 min 404 nəfər isə yaralanıb.
İsrail ordusu mayın 6-da verdiyi açıqlamada məcburi köçkün fələstinlilərin sığındığı Rəfahın şərqindəki bəzi məhəllələrin boşaldılmasını istəyib və mayın 7-də səhər saatlarında Qəzzanın Rəfah bölgəsinə qurudan hücuma keçdiyini açıqlayıb. Misirlə sərhəd qapısının Qəzza tərəfini ələ keçirdiyini bildirdi.
Eltac Zülfüqaroğlu/Turkustan.az
