İkinci Dünya müharibəsində Belçikada həlak olmuş həmvətənlərimizin xatirəsi yad edilib

Brüssel, 9 may, AZƏRTAC

9 May - Faşizm üzərində Qələbə Günü münasibətilə II Dünya müharibəsi dövründə Belçika ərazisində həlak olanların xatirəsinə Genk şəhərinin məzarlığında ucaldılmış abidə Azərbaycan Respublikasının NATO yanında Nümayəndəliyinin heyəti və NATO yanında Azərbaycan Silahlı Qüvvələrinin hərbi nümayəndələri tərəfindən ziyarət olunub.

AZƏRTAC xəbər verir ki, İkinci Dünya müharibəsi zamanı Genk şəhərində həlak olmuş həmvətənlərimizin məzarları da ziyarət edilib, əziz xatirələri məzarları önünə gül dəstələri qoyulmaqla anılıb.

Vüqar Seyidov

AZƏRTAC-ın xüsusi müxbiri

Brüssel