İdman

Tural Əsgərov: “Doğrudu, Kadi təyyarədədi”

football-plus.az

22:00 09.05.2024

Smartbee
Şikayət et

“Qarabağ”ın sosial şəbəkə hesablarında paylaşılan “Coming soon” posterindənsonra yenə Kadi Borqesin Azərbaycana dönməsiylə bağlı xəbərlər tirajlanır.

“Football-plus.az” xəbər verir ki, iş o yerdədi ki, hətta futbolçunun ailəsiylə bərabər Bakıda görənlər də var. Ağdam təmsilçisnin “Zirə”ylə oyun öncəsi paylaşdığı posterdə də xüsusi detalların fərqinə varan futbolsevərlər, bunu braziliyalı vingerin yenidən keçmiş klubuna dönməsiylə əlaqələndirir. Dərc olunan xəbərlər barədə daha dəqiq məlumat öyrənmək üçün Kadini ölkəmizə gətirən menecer Tural Əsgərovla danışdıq. Onun “football-plus.az”a söylədikləri belə oldu:

“Yenə sosial şəbəkələrdə lazımlı-lazımsız məlumatlar yayılır. Bu mənada xoşbəxt adamam ki, sosial şəbəkələrdən uzağam. Söhbət bizim tanıdığımız Kadi Borqezdən gedirsə, yəni bir əkizi yoxdursa, yayılan xəbərlər əsassızdı. Doğrudu, Kadi təyyarədədi. Təqribən 1 saat əvvəl danışmışam. Amma Bakıya uçmur. Hazırda Krasnodardan Moskvaya, yəni Rusiya çempionatının növbəti oyununa gedir. Təbii ki, söhbət “Qarabağ”dan tanıdığımız Kadidən gedirsə”.

Xatırladaq ki, “Spartak” - “Krasnodar” matçı mayın 11-i Bakı vaxıyla saat 17.30-da start götürəcək.

KAMAL SƏFƏR

Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.

Seçilən