Siyasət

Ermənistanda itaətsizlik aksiyaları başlayır - Video

reyting.az

22:35 09.05.2024

Smartbee
Şikayət et

Sabah səhər saat 10:00-dan etibarən Ermənistanın bütün mümkün ərazilərində itaətsizlik aksiyaları keçiriləcək.

Reyting.az Ermənistan KİV-lərinə istinadla xəbər verir ki, bunu hazırda İrəvanın Respublika meydanında keçirilən mitinqdə çıxış edən Erməni Apostol Kilsəsinin Tavuş yeparxiyasının primatı, arxiyepiskop Baqrat Qalstanyan bildirib.

“Tələbələri, universitetləri, pulu ən yüksək dəyər hesab etməyən bütün iş adamlarını, bütün digər təhsil ocaqlarını tətilə çağırıram. Heç bir təcavüz olmadan iki və ya üç gün tətil edək”, - deyən B. Qalstanyan rayon sakinlərinə də müraciət edib:

“Bu gecə qayıdın, orada da silsilə aksiyalara başlayın. Bu təzyiq bütün respublika ərazisində olmalıdır. Çünki bizə başqa yol qoymayıblar”.

Qeyd edək ki, mitinq zamanı yük maşınının sürücüsü avtomobili mitinq iştirakçılarının üzərinə yönəldib. Polis sürücünü saxlayıb. Baş yepiskop isə bildirib ki, ölən və yaralanan yoxdur.

Aksiyadan əvvəl Ermənistan hakimiyyəti hüquq-mühafizə orqanlarına “Hazır olun!” komandası verərək elan edib ki, təxribat törədən şəxslərə adekvat reaksiya olmalıdır.

E. KAMAL

Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.

Seçilən

119