İctimai şuranın üzvüləri və qazilərimiz Zərifə Əliyevanın məzarını ziyarət ediblər - FOTOLAR

Dövlət Gömrük Komitəsi və Əmək və Əhalinin Sosial Müdafiəsi Nazirliyi yanında ictimai şuralarının birgə təşəbbüsü ilə Azərbaycan dövlətinin memarı və qurucusu, xalqımızın Ümummilli Lideri Heydər Əliyevin doğum günündə onun və  Azərbaycanın oftalmoloqu, Azərbaycan SSR əməkdar elm xadimi, tibb elmləri doktoru, professor Azərbaycan Milli Elmlər Akademiyasının həqiqi üzvü Zərifə Əliyevanın məzarını ziyarət ediblər. Ziyarət zamanı İctimai şuranın üzvüləri ilə yanaşı bir neçə qazilərimizdə iştirak ediblər.

QHT.az xəbər verir ki, Azərbaycanın gələcək inkişaf strategiyasını müəyyənləşdirmiş ümummilli lider Heydər Əliyev bütün cəmiyyəti səfərbər edərək onu düzgün yola istiqamətləndirdi. Bu gün 90-cı illərin çətinliklərini artıq geridə qoymuşuq. Azərbaycan artıq Zəfər qazanmış bir dövlət kimi dünya siyasətində öz sözünü demiş bir dövlətdir. Biz müasir Azərbaycan dövlətinin inkişafında yeni mərhələ yaşayırıq. Ümummilli liderimiz Heydər Əliyevin siyasi kursunu Prezident İlham Əliyev inamla və sədaqətlə davam etdirir.

Ümummilli lider Heydər Əliyev həmişə həm müdrik el ağsaqqalı, həm də təcrübəli dövlət başçısı kimi cəmiyyətimizin mənəvi əsaslarını təşkil edən ümdə prinsiplər və onların qorunub inkişaf etdirilməsi istiqamətləri barədə çox dəyərli fikirlərini xalqla bölüşmüşdür. Belə bir ünsiyyətin fərqləndirici əlaməti onun rəsmiyyətdən uzaqlığı, Ulu Öndərin cəmiyyətin sadə üzvləri ilə daim təmasda olması, həmişə xalqa bağlılığı ilə şərtlənirdi.