Azərbaycana bir çox təkliflər verəcəyik

“Azərbaycanda olmaqdan məmnunam. Azərbaycan günü-gündən gözəlləşir”.

Publika.az xəbər verir ki, bunu Millətlər Birliyinin (The Commonwealth) baş katibi Patrisiya Janet Skotland deyib.

O əlavə edib ki, COP29 iqlim dəyişikliyi ilə mübarizədə çox vacib və dünyanın ən əhəmiyyətli tədbirlərindən biridir:

“Müxtəlif bölgələrdən olmağımıza baxmayaraq bizi birləşdirən hadisələr var. Bütün dünya iqlim dəyişikliyindən narahatdır. Azərbaycana COP29 tədbirində çox ümidlər bəslənir. Dünya olaraq hazırda keçid nöqtəsindəyik. Azərbaycan COP29-da çox ciddi məsələləri həll edəcək.

İqlim dəyişikliyi ilə bağlı Azərbaycana bir çox təkliflər verəcəyik. Komanda olaraq əsasən, riskləri müəyyənləşdiririk. Digər ölkələri bu haqda məlumatlandırırıq. Bu COP-da daha yaxşı iştirak edəcəyik. Daha çox risk altında olan ölkələri qorumalıyıq. Elə ölkələr var ki, artıq onlar üçün çox gecdir.