"WhatsApp" "Android" və "iOS" üçün proqram dizaynını yeniləyib
“WhatsApp” mobil əlavəsi "Android" və "iOS" sistemlərində messencerin dizaynında dəyişiklik edib.
Yenilənmiş dizayn yaşıl rəng sxemini itirib, sistem mövzusundan asılı olaraq ağ və ya qara olub. Bildiriş nişanları və funksiya düymələri isə yaşıl rənglə vurğulanıb.
Proqramın "Android" versiyasında naviqasiya paneli ekranın aşağı hissəsinə köçürülüb.
Tərtibatçıların sözlərinə görə, onlar indi daha yüksək kontrast və daha dərin tünd çalarları təmin edən qaranlıq rejimə diqqət yetiriblər. Bu, az işıqlı şəraitdə görmə gərginliyini azaldır.
“WhatsApp”ın yenilənmiş versiyası artıq "Android" və "iOS" sistemlərində istifadəçilər tərəfindən müşahidə edilib.