PSJ-nin baş məşqçisi Luis Enrike Fransa çempionatının "Tuluza" ilə ev oyununda azarkeşlərin hücumçu Kilian Mbappeyə fit çalmasına münasibət bildirib.
90deqiqe.Az bu barədə “Le Parisien”ə istinadən xəbər verir.
“Eşitdiyim tək şey alqışlar və mahnı oxumaq idi. Bu futbolçuya layiq olan da elə məhz budur. Mbappe gənc yaşına baxmayaraq klubun əfsanəsidir”, - deyə ispan mütəxəssis bildirib.
Qeyd edək ki, Parislilər evdə “Tuluza”ya qarşı matçda 1:3 hesabı ilə məğlub olublar.
Xatırladaq ki, Mbappe bir müddət əvvəl Paris nəhəngindən ayrıldığını və bundan sonra İspan nəhəngi “Real Madrid”in şərəfini qoruyacağını açıqlayıb.
