“Bavariya”nın kapitanı Manuel Noyer kuryoz zədə alıb.
Msport.az xəbər verir ki, 38 yaşlı qapıçı Çempionlar Liqasının 1/8 final mərhələsinin ilk oyununda (3:0) “Bayer”ə vurulan qolu qeyd edərkən baldır əzələsini dartıb.
O, 58-ci dəqiqədə 21 yaşlı həmkarı Yonas Urbiqlə əvəzlənib. Bu, gənc qolkiperin Münhen təmsilçisində debüt oyunu olub.
Noyer martın 11-də Leverkuzendə keçiriləcək cavab matçı da daxil olmaqla, ən azı 3-4 oyunu buraxacaq.
