Tramp xüsusi nümayəndəsini Rusiya Prezidenti Putinlə görüşmək üçün Moskvaya göndərəcək
ABŞ Prezidentinin Yaxın Şərq üzrə xüsusi nümayəndəsi Stiv Uitkoff Rusiya Prezidenti Vladimir Putinlə görüşmək üçün Moskvaya səfər etməyi planlaşdırır.
Operativ Media xəbər verir ki, bu barədə “Blumberq” öz mənbələrinə istinadən məlumat yayıb.
Nəşrin məlumatına görə, Uitkoffun səfəri Vaşinqtonun Rusiya-Ukrayna münaqişəsinə son qoymaq səyləri kontekstində baş tutacaq.
Bu səfərin nəzərdə tutulan tarixi dəqiqləşdirilməyib.
