ABŞ dövlət katibi Marko Rubionun fikrincə, Ukrayna 2014-cü ildən bəri itirdiyi bütün əraziləri geri ala bilməyəcək.
O qeyd edib ki, Ukrayna tərəfi Rusiya ilə istənilən sülh sazişinin tərkib hissəsi kimi ərazi güzəştlərinə getməli olacaq. “Hesab edirəm ki, hər iki tərəf bu vəziyyətin hərbi yolla həllinin mümkün olmadığını başa düşməlidir. “Ruslar bütün Ukraynanı fəth edə bilməz və aydındır ki, Ukrayna üçün rusları istənilən ağlabatan müddət ərzində 2014-cü ildəki mövqelərə qayıtmağa məcbur etmək çox çətin olacaq”, – Marko Rubio bildirib.
O, həmçinin qeyd edib ki, Səudiyyə Ərəbistanındakı Amerika nümayəndə heyəti Ukraynaya hərbi yardımın bərpasını müzakirə edəcək. O, qeyd edib ki, Amerika və Ukrayna nümayəndə heyətləri arasında aparılan danışıqların əsas nəticəsi “Rusların çətin addımlar atmalı olduğu kimi, Ukraynanın da çətin addımlar atmağa hazır olduğuna dair qəti hiss” olmalıdır. Onun sözlərinə görə, Rusiya ilə Ukrayna arasında keçiriləcək danışıqlarda Moskvanın hansı güzəştlərə getməyə hazır olduğunu öyrənmək lazımdır.
//Samir Qurbanov, Editor.az
