Dieqo Maradonanın ölümü ilə bağlı məhkəmədə prokuror Patrisio Ferrari ifadə verib.
Publika.az xəbər verir ki, məhkəmə Buenos Ayresin ətrafı olan San İsidroda baş tutub.
“Sizə Dieqonun başına gələnləri görmədiyini söyləyən hər kəs üzünüzə yalan danışır. Onun vəziyyətini görməmək mümkün deyildi. O, bir neçə gün bu vəziyyətdə yataqda uzanıb. Onun qətlin qurbanı olduğunu söyləməmək yalandır.
Bütün bunlar davam edərkən, dəstə (həkimlər) sadəcə hesabatlar doldurur, etmədikləri bir şeyi etdiklərini sübut etməyə çalışırdılar. Ona kömək edən bütün tibbi heyət, bu ehtiyatsız rəftara görə məsuliyyət daşıyanların hamısı Dieqo Maradonanın ölümünə görə cavab verməlidir.
