1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
UEFA Çempionlar Liqasının 1/8 final mərhələsinin cavab oyunları çərçivəsində keçirilmiş "Atletiko Madrid" - "Real Madrid" matçının əsas vaxtı ev sahiblərinin 1:0 hesablı qələbəsi ilə başa çatıb.
Oxu.Az xəbər verir ki, yeganə qolu Qallaher vurub, Vinisius 70-ci dəqiqədə penaltidən yararlana bilməyib.
İlk qarşılaşma "Kral klubu"nun 2:1 hesablı qələbəsi ilə yekunlaşdığına görə ümumi hesab bərabərləşib - 2:2.
Hər biri 15 dəqiqə olmaqla, təyin edilən daha iki hissədə tərəflər fərqlənə bilməyiblər.
Qarşılaşmanın taleyinə penalti seriyası aydınlıq gətirib. Burada daha dəqiq olan "Real" (2-4) adını dörddəbir final mərhələsinə yazdırıb.
