Suriyanın qərbində gedən döyüşlərdə həlak olan mülki vətəndaşların sayı 1,5 min nəfərə çatıb.
Missiya.Az Report-a istinadən xəbər verir ki, bu barədə Suriyanın “Sham FM” telekanalı məlumat yayıb.
Bildirilib ki, Suriyanın keçid hökuməti qüvvələri ilə respublikanın keçmiş prezidenti Bəşər Əsədin tərəfdarları arasında Latakiya, Tartus, Hama və Homs vilayətlərində gedən döyüşlər nəticəsində ən azı 1,5 min dinc sakin həlak olub. Təkcə Latakiya vilayətində 745 mülki şəxs toqquşmaların qurbanı olub.
