Azərbaycan Basketbol Liqasında XVIII tur davam edir.
Sportinfo.az xəbər verir ki, turun daha 3 matçı baş tutub.
B qrupunda turun son matçı Gəncədə keçirilib. Şəhərin eyniadlı komandası turnir cədvəlindəki qonşusu “Ordu”nu sınağa çəkib.
Gərgin keçən matç ev sahiblərinin qələbəsi ilə bitib. Bu qələbə "Gəncə"ni birinci pilləyə yüksəldib.
Digər iki görüş A qrupunda olub. “Sabah” “Abşeron”la görüşdə əziyyət çəkməyib. Çempion 33 xallıq fərqlə qalib gəlib.
Son turları uğursuz keçirən “Naxçıvan” “Sərhədçi” ilə qarşılaşıb. Oyun meydan sahiblərinin üstünlüyü ilə keçsə də, sona yaxın rəqib komanda hesab arasındakı fərqi azaldıb.
Buna baxmayaraq, komanda iki turdan sonra iki xallıq fərqlə qələbə qazanıb.
Tura bu gün yekun vurulacaq.
B qrupu
“Gəncə” – “Ordu” - 84:74 (22:8, 19:18, 17:20, 26:28)
Gəncə İS
| yer | komanda | O | Q | M | X |
| 1 | Gəncə | 18 | 14 | 4 | 32 |
| 2 | Şəki | 18 | 14 | 4 | 32 |
| 3 | Ordu | 18 | 11 | 7 | 29 |
| 4 | Sumqayıt | 18 | 7 | 11 | 25 |
| 5 | Quba | 18 | 5 | 13 | 23 |
| 6 | Lənkəran | 18 | 3 | 15 | 21 |
| 1 | Sabah | 18 | 14 | 4 | 32 |
| 2 | Naxçıvan | 18 | 12 | 6 | 30 |
| 3 | Neftçi | 17 | 8 | 9 | 25 |
| 4 | Abşeron | 18 | 7 | 11 | 25 |
| 5 | Sərhədçi | 18 | 6 | 12 | 24 |
| 6 | NTD | 17 | 6 | 11 | 23 |
