1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Nəsimi adına Dilçilik İnstitutunda doktorantura yerləri dörd ildir ki, boş qalıb".
Oxu.Az xəbər verir ki, bu sözləri dilçi Sayalı Sadıqova Azərbaycan dili üzrə sertifikasiya imtahanının onlayn platformasının təqdimatında deyib.
O qeyd edib ki, doktorantura imtahanlarında ingilis dili imtahanlarının IELTS səviyyəsində təşkil edilməsinə görə azərbaycanlı alimlər bu imtahandan keçə bilmirlər.
Dövlət İmtahan Mərkəzinin İdarə Heyətinin sədri Məleykə Abbaszadə tədqiqat aparan insanlar üçün ingilis dilinin lazım olduğunu vurğulayıb:
"Hazırda doktorantura üçün verilən imtahanlar B2 səviyyəsində təşkil edilir. İngilis dili yerinə ərəb dili olsa, həmin şəxslər ərəb dilində də B2 səviyyəsində imtahan verə bilməyəcəklər".
Sayalı Sadıqova isə vurğulayıb ki, Azərbaycan dilində tədqiqat aparan folklorşünas, dilçi alimin ingilis dilini bu səviyyədə bilməsinə ehtiyac yoxdur.
Aygün Mirakif
