Əl-Ərəbiyyə telekanalı xəbər verir ki, radikal HƏMAS hərəkatının nəzarətində olan Qəzza zolağında hökumətin de-fakto baş naziri Essam əl-Daalis dünən gecə İsrail Hərbi Hava Qüvvələrinin blokadadakı anklav ərazisinə endirdiyi hava zərbələrindən birində həlak olub.
Mənbələrinin bildirdiyinə görə, “Həmas hökumətinin baş naziri əl-Daalis İsrail Hərbi Hava Qüvvələrinin son hücumu zamanı əl-Daalisin olduğu evə mərmi düşməsi nəticəsində həlak olub”.
Həmçinin telekanalın məlumatına görə, Qəzzada HƏMAS hökumətində Daxili İşlər Nazirliyinin rəis müavini Mahmud Əbu Vətfa İsrailin bombardmanı zamanı həlak olub.
Radikal hərəkatdan hələ ki, rəsmi şərh yoxdur.
Martın 18-də İDF Qəzza zolağında HƏMAS-ın hədəflərinə irimiqyaslı zərbələr endirib, amerikalı Axios jurnalisti Barak Ravid isə X sosial şəbəkəsində İsrailin baş naziri Benyamin Netanyahunun ofisinə istinadən İsrailin anklavda HƏMAS-a qarşı hərbi əməliyyatları bərpa etdiyini yazıb.
Əl Ərəbiyyə telekanalının son məlumatına görə, ölənlərin sayı 356-ya çatıb, 1000 nəfər isə yaralanıb. Telekanalın məlumatına görə, ölənlərin təxminən yarısı Qəzza zolağının inzibati mərkəzi Qəzza şəhərinə endirilən hava hücumunun qurbanı olub.
