1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Türkiyənin müxtəlif şəhərlərində və universitetlərdə bir qrup ictimai fəal İstanbul Böyükşəhər Bələdiyyəsinin (İBB) sədri Ekrem İmamoğlunun saxlanılması ilə əlaqədar etiraz aksiyası keçirib.
Oxu.Az xəbər verir ki, etiraz aksiyalarından çəkilən video görüntülər əsasən sosial şəbəkə hesablarında paylaşılır.
Etirazçılar iddia edirlər ki, Ekrem İmamoğlunun saxlanılması siyasi qərardır və ona qarşı qaldırılan cinayət işlərinin əsası yoxdur.
Qeyd edək ki, İstanbul Böyükşəhər Bələdiyyəsinin (İBB) sədri Ekrem İmamoğlu və 99 şübhəli barəsində "Cinayət təşkilatının lideri və ya üzvü olmaq", "Qəsbkarlıq", "Rüşvətxorluq", "Məqsədli fırıldaqçılıq", "Şəxsi məlumatların qanunsuz olaraq əldə edilməsi" və "Tender saxtakarlığı" maddələri üzrə saxlanılma qərarı çıxarılıb.
