Bir semestrdə minə yaxın kəsirin olduğu iddia edilən Sosial İqtisadi Kollecdə direktor döyülüb.
“Xəzər Xəbər”in əməkdaşları UNEC-in nəzdindəki təhsil müəssisəsindı olublar.
Kollecin tarix müəllimi Qələndər Muxtarlının sözlərinə görə, direktor Şəhriyar Laçınlı tədris müassisəsinin mühasibi tərəfindən döyülüb.
Qələndər Muxtarlı deyir ki, Kollec büdcəsini tələbə kəsiri hesabına formalaşdırır. Müəssisə cərimə ilə özünü maliyyələşdirən dırnaqarası nümunəvi tədris müəssisəsinə çevirib.
Tələbələrin sözlərinə görə, onlar kəsirə görə ödəniş ediblər.Lakin onlardan hər hansı bir rüşvət istənilməyib.
Kollecin direktoru “Xəzər Xəbər”ə açıqlamasında hadisənin ötən gün səhər saatlarında baş verdiyini deyib.
Davada adı hallanan mühasib Turab Şabanov isə yalnız onu bildirib ki, məsələ ilə bağlı 13-cü Polis Bölməsinə çağrılıb izahatı alınıb.
Elm və Ali Təhsil üzrə Dövlət Agentliyindən bildirilib ki, UNEC-in nəzdində Sosial-İqtisadi Kollecdə baş vermiş hadisə hüquq-mühafizə orqanları tərəfindən araşdırılır.
UNEC-in açıqlamasında isə bildirilir ki, Elm və Ali Təhsil üzrə Dövlət Agentliyi təhsil müəssisələrində sağlam və təhlükəsiz iş mühitinin qorunmasına xüsusi önəm verir və etik prinsiplərin təmin olunması üçün zəruri addımlar atılacaqdır.
Hadisənin nəticələri barədə ictimaiyyətə əlavə məlumat veriləcək.
Xezerxeber.az mövzu ilə bağlı daha ətraflı videomaterialı təqdim edir.
