Bu gün UEFA Millətlər Liqasında pley-off mərhələsinin oyunlarına start verilir.
QOL.az-ın məlumatına görə, bu mərhələ UEFA Millətlər Liqasının növbəti yarışı üçün A, B, C və D liqalarının tərkibini müəyyən edəcək.
A/B liqaları arasında pley-off oyunları
A Liqasında üçüncü yeri tutan dörd komanda B Liqasında ikinci yeri tutan dörd komanda ilə qarşılaşacaq.
Cütün qalibləri növbəti mövsüm A Liqasında, məğlub olanlar B Liqasında yarışacaq.
B/C liqaları arasında pley-off oyunları
B Liqasında üçüncü yeri tutan dörd komanda C Liqasında ikinci yeri tutan dörd komanda ilə qarşılaşacaq. Hər cütün qalibi növbəti mövsüm B Liqasında, məğlub olanlar C Liqasında iştirak edəcək.
C/D Liqaları arasında pley-off oyunları
C Liqasında üçüncü yeri tutan iki ən yaxşı komanda D Liqasında ikinci yeri tutan iki komandaya qarşı oynayacaq. Hər cütün qalibi C Liqasında, məğlub olanlar isə D Liqasında növbəti püşkatmada oynayacaq.
Qeyd edək ki, məğlub komandalardan biri növbəti mövsüm D liqasında Azərbaycan millisinin potensial rəqibi olacaq.
20 mart
Millətlər Liqasın pley-off mərhələsi, ilk oyunlar
A/B liqaları
21:00. Türkiyə - Macarıstan
23:45. Ukrayna - Belçika
23:45. Avstriya - Serbiya
23:45. Yunanıstan - Şotlandiya
B/C liqaları
21:00. Ermənistan - Gürcüstan
23:45. Kosovo - İslandiya
23:45. Bolqarıstan - İrlandiya
23:45. Slovakiya - Sloveniya
A/B liqaları və B/C liqalarında pley-off mərhələsinin cavab oyunları martın 23-də keçiriləcək.
26 mart, ilk oyunlar
C/D Liqaları
21:00. Cəbəllütariq - Latviya
21:00. Malta - Lüksemburq
C/D Liqalarında pley-off mərhələsinin cavab oyunları martın 31-də keçiriləcək.
