ABŞ Hərbi Hava Qüvvələri Yəmənin paytaxtı Sənada “Ənsar Allah” hərəkatının nəzarəti altında olan Əd-Dailami aviabazasına bir sıra zərbələr endirib.
APA xəbər verir ki, bu barədə “Al Hadath” telekanalı mənbələrə istinadən məlumat yayıb.
"ABŞ husilərin Əl-Dailami aviabazasındakı silah anbarlarına üç hava hücumu həyata keçirib", - telekanalın məlumatında deyilir.
Məlumata görə, ABŞ Hərbi Hava Qüvvələrinə məxsus təyyarələrin Səna səmasında intensiv uçuşları qeydə alınıb. Hava hücumu nəticəsində ölən və yaralananlar barədə məlumat verilmir.
