Rusiyada Duqinin rəhbərlik etdiyi mərkəzin bağlanması tələb edilib
- Smartbee
- Report
Rusiya Dövlət Humanitar Universitetinin (RQQU) tələbələri filosof Aleksandr Duqinin rəhbərlik etdiyi “İvan İlyin Təhsil və Tədqiqat Mərkəzinə qarşı” petisiya hazırlayıblar.
APA-nın Moskva müxbiri xəbər verir ki, petisiya müəllifləri etirazlarını izah edirlər ki, filosof İvan İlyin nasist rejiminin fəaliyyətinə göz yumub və Hitlerin cinayətlərinə haqq qazandırıb və buna görə də elmi mərkəzi onun şərəfinə adlandırmaq olmaz.
Rusiya Dövlət Humanitar Universitetinin rektoru Aleksandr Bezborodov “Kommersant”a bildirib ki, petisiyanın dərci Ukrayna xüsusi xidmət orqanlarının maraqları naminə həyata keçirilib, İvan İlyin heç bir faşist və ya nasisti dəstəkləməyib və universitet rəhbərliyi tələbələrlə görüşməyə və onları maraqlandıran istənilən məsələləri müzakirə etməyə hazırdır.
Qeyd edək ki, politoloq və filosof Aleksandr Duqin Kremlin əsas ideoloqlarından biri hesab olunur.
Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.
