Society

Bakıda Sinaqoqda ravvindən namaz qılmağı tələb edən şəxs həbs edildi

qaynarinfo.az

10:18 18.04.2024

Smartbee
Report

Bakının Nəsimi rayonu ərazisində yerləşən Sinaqoqda (Yəhudi ibadət evi) ravvindən (din xadimi) "hər kəsin namaz qılmasını" tələb edən şəxs saxlanılıb.

Qaynarinfo-nun məlumatına görə, 1994-cü ildə Bakı şəhərində doğulmuş, ali təhsilli Cabir Həsənov (ad-soyad şərti) saxlanılaraq barəsində İnzibati Xətalar Məcəlləsinin 510 və 535.1-ci maddələri protokol tərtib edilib və iş məhkəməyə göndərilib.

Məlum olub ki, Cabir Nəsimi rayonu ərazisində yerləşən Sinaqoqa gedərək, ravvinlə söhbət edib və orada hər kəsin namaz qılmalı olduğunu bildirib.

Daha sonra Sinaqoqdan çıxaraq qışqırmağa başlayıb. Bu zaman polis əməkdaşları ona yaxınlaşaraq şəxsiyyətini təsdiq edən sənədi təqdim etməsini istəyiblər və ictimai asayişi pozmaması barədə xəbərdarlıq ediblər.

Onu polis bölməsinə dəvət etsələr də, Cabir polisin qanuni tələblərinə əməl etməyərək, xidməti avtomobilə əyləşməkdən imtina edib. Bu səbəbdən zəruri tədbirlər görülərək avtomobilə əyləşdirilib və polis bölməsinə aparılıb.

Məhkəmənin qərarı ilə təqsirləndirilən şəxs İnzibati Xətalar Məcəlləsinin 510 və 535.1-ci maddələri ilə təqsirli bilinərək, 15 gün müddətinə inzibati qaydada həbs edilib.

Əhməd

Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.

Chosen

Sources

Comment ()

Bakıda Sinaqoqda ravvindən namaz qılmağı tələb edən şəxs həbs edildi

Rating

Sign in to your account

Sign up

Şifrəni bərpa et