KİV: İsrail HƏMAS-a razılaşma üçün son şans verməyə hazırdır

İsrail Fələstin HƏMAS hərəkatına hazırkı mövqeyini yenidən nəzərdən keçirmək və Təl Əvivlə Qəzza zolağındakı vəziyyəti nizamlamaq üçün razılığa gəlmək üçün son fürsət verməyə hazırdır.

"Report"xəbər verir ki, bu barədə "Əl-Qahirə əl-İhbariya" telekanalı məlumat yayıb.

Telekanalın məlumatına görə, İsrail tərəfi HƏMAS ilə danışıqlarında vasitəçi olaraq Tel Əvivə gələn Misir nümayəndə heyətinə Fələstin hərəkatının Qəzzanın cənubundakı Rafah şəhəri bölgəsində İsrailin hərbi əməliyyatı başlamazdan əvvəl sektorda "atəşkəs razılaşmaları əldə etmək üçün son şansdan istifadə etməsi lazım olduğunu" bildirib. İsrail nümayəndələri hesab edirlər ki, Misir HƏMAS-a təzyiq göstərməli olacaq ki, radikallar bu fürsətdən istifadə etsinlər.

Eyni zamanda, mənbə qeyd edib ki, Təl Əviv Misir nümayəndə heyəti ilə görüşdə "İsrail qoşunlarının sektordan çıxarılması və köçkün fələstinlilərin evlərinə geri qaytarılması məsələlərində yumşaqlıq" göstərib. Bununla yanaşı, qeyd edilir ki, İsrail Qahirədən olan nümayəndə heyəti ilə danışıqlarda qeyd edib ki, HƏMAS ilə razılaşma əldə olunsa belə, Qəzzada atəşkəs yalnız bir neçə həftə davam edəcək.

Bir müddət əvvəl İsrail tərəfi ilə Misir arasında Qəzza ilə bağlı danışıqlarda əhəmiyyətli irəliləyişlərin olduğu bildirilib. Yüksək rütbəli Misir mənbəyinin məlumatına görə, "Qəzza zolağında atəşkəsin bağlanması ilə bağlı Misir və İsrail nümayəndə heyətləri arasında görüşlərin yaxınlaşmasında nəzərəçarpacaq irəliləyiş əldə edilib".