Quba-Xaçmaz Regional Təhsil İdarəsinin müdiri Coşqun Əliyev Xaçmaz rayonu üzrə ümumi təhsil, məktəbəqədər və məktəbdənkənar təhsil müəssisələrinin rəhbərləri ilə görüş keçirib.
“7Times.az” xəbər verir ki, görüş zamanı Xaçmaz rayonunda fəaliyyət göstərən təhsil müəssisələrinin mövcud vəziyyəti, qarşıya çıxan problemlər və onların həlli yolları müzakirə olunub. Eyni zamanda, Respublika Fənn Olimpiadası və digər müsabiqələrin nəticələri təhlil edilib və bu istiqamətdə görüləcək işlər barədə fikir mübadiləsi aparılıb.
